各位友好，我終於開咗一個xanga account啦。大家都知道小弟一向都係用yahoo blog來同大家溝通，所以又好似冇乜理由開多一個blog嘛，特別對於我呢啲電腦白痴嚟講，適應用一個新system要用好多時間架！不過，冇法.. 我啲朋友，例如D先生....W小姐等等，係都要lock住自己個xanga，然後同我講：「你怏啲開個xanga blog啦，咪就update唔到我啲近況。」我原本都好堅持，寧願唔睇都冇開到，但唸落又好似好唔夠義氣咁，而W小姐最後更屈服咗要unlock番自己個blog，然後怪責我搞到而家佢個屋企冇得鎖門。好啦好啦... 你呢招以退為進成功咗啦，我終於開咗xanga，就係為咗有鎖匙入去某啲守衛森嚴嘅屋企。

但係究竟我應唔應該將喺yahoo blog post 嘅entry又post喺度呢？定係麻煩大家去番我yahoo 個屋企，唔駛我兩頭住家走來走去？請指教！

而家用最簡單的background同顏色，未有時間執靚個blog啊，體諒下.....

Weekend愉快！